ഫോമായുടെ സ്പെഷ്യൽ ജനറൽ ബോഡി മീറ്റിംഗ് ജൂലൈ 23 ന്
 വിർച്വലായി ഉച്ചകഴിഞ്ഞ് 2 മണിക്ക് (ഇ എസ് ടി)നടക്കും. സംഘടനയുടെ  ആനുവൽ ജനറൽ ബോഡി മെക്സിക്കോയിലെ ലോകപ്രശസ്ത വിനോദസഞ്ചാര കേന്ദ്രമായ കാങ്കൂണിൽ വച്ച് ഇലക്ഷനൊപ്പം സെപ്റ്റംബർ 3 ന് നടത്താനാണ് തീരുമാനം.

ഇതിൽ രണ്ടിലും പങ്കെടുക്കേണ്ടതിന്റെ ഡെലിഗേറ്റ് ലിസ്റ്റ് ജൂലൈ 15 -നകം ഫോമാ ജനറൽ സെക്രട്ടറി ടി.ഉണ്ണികൃഷ്ണന് ഇമെയിൽ വഴിയോ പോസ്റ്റൽ മെയിൽ ആയോ ലഭിച്ചിരിക്കണം. ഫോമായുടെ 84 അംഗസംഘടനകളിൽ നിന്ന് 7 പ്രതിനിധികൾക്ക് (ഡെലിഗേറ്റുകൾ) വീതവും നാഷണൽ കമ്മിറ്റിയിൽ നിന്നുള്ള മുഴുവൻ  അംഗങ്ങൾക്കും മീറ്റിംഗിൽ പങ്കെടുക്കാം.

 ഇരു ജനറൽ ബോഡികളിലും ഒരേ ഡെലിഗേറ്റുകൾ തന്നെയാണ് പങ്കെടുക്കുന്നതെങ്കിൽ, ഡെലിഗേറ്റ് ലിസ്റ്റ് ഒരു തവണ അയച്ചാൽ മതി. വ്യത്യാസമുണ്ടെങ്കിൽ, ജൂലൈ 16 മുതൽ 25 വരെ മാറ്റം വരുത്താനാകും. 

രാജ്യാന്തര കൺവൻഷനെക്കുറിച്ചുള്ള അപ്‌ഡേറ്റുകളും ഫോമാ ബൈലോയിലെ പരിഷ്കാരങ്ങളും(അമെൻഡ്മെൻറ്സ്) ചർച്ച ചെയ്യുക എന്നതാണ് സ്പെഷ്യൽ ജനറൽ ബോഡി മീറ്റിംഗിന്റെ പ്രധാന അജണ്ട. 

 2017 ലാണ് ഇതിനുമുൻപ് ഫോമായുടെ ബൈ-ലോ പരിഷ്കരിച്ചത്. കോവിഡിനെത്തുടർന്ന് സാഹചര്യങ്ങൾ ഒരുപാട് മാറിയതിനാൽ, ബൈ-ലോയിൽ മാറ്റങ്ങൾ വേണമെന്നുള്ള ആവശ്യം അംഗങ്ങൾ മാസങ്ങളായി ഉയർത്തിയതിന്റെ അടിസ്ഥാനത്തിലാണ് പരിഷ്കരണം വോട്ടിങ്ങിലൂടെ നടപ്പാക്കാൻ കമ്മിറ്റി ആലോചിച്ചത്. വിശദമായ ചർച്ചകൾ നടത്തി, ഭൂരിപക്ഷാഭിപ്രായത്തെ മാനിച്ചായിരിക്കും  അമെൻഡ്മെന്റ് നടപ്പാക്കുന്നത്.

കൺവൻഷൻ ജനറൽ ബോഡിയിൽ  ബൈ-ലോ പരിഷ്കരണം സംബന്ധിച്ച വോട്ടിങ് നടത്തുന്നത് ഏറെ സമയനഷ്ടം വരുത്തുമെന്നും കുടുംബത്തോടൊപ്പം പരിപാടികൾ പൂർണമായും ആസ്വദിക്കാൻ സാധിക്കാതെ വരുമെന്നും മുൻകൂട്ടി മനസ്സിലാക്കിയാണ് മറ്റൊരു ദിവസം ഇതിനായി ക്രമീകരിക്കുന്നത്. വനിതാ പ്രാതിനിധ്യം കൂട്ടുന്നതും ,  വിർച്വലായി കമ്മിറ്റി വിളിച്ചുകൂട്ടുന്നതിന് വ്യക്തമായ മാനദണ്ഡങ്ങൾ, സമാന്തര സംഘടനകളിൽ പ്രവർത്തിക്കുന്നവർ സ്ഥാനം ഏറ്റെടുക്കുന്നതിനുള്ള നിബന്ധനകൾ , റീജിയനിൽ നിന്നോ അടുത്തുള്ള റീജിയനിൽ നിന്നോ ആയിരിക്കണം ഡെലിഗേറ്റുകൾ വരേണ്ടത്, കണക്കുകളുടെ വ്യക്തമായ ഓഡിറ്റിംഗ് നിർദ്ദേശങ്ങൾ    ഇങ്ങനെയുള്ള നിരവധി  പരിഷ്കരണങ്ങളാണ് പ്രധാനമായും മുന്നോട്ടുവയ്ക്കുന്നത്. ഇതിനായുള്ള ശ്രമങ്ങൾ ഏതാനും മാസങ്ങൾ മുൻപേ നടന്നുവരികയായിരുന്നെന്നും, ഒമിക്രോൺ ഭീഷണി ഉൾപ്പെടെ പലവിധ കാരണങ്ങൾ കൊണ്ട് നിശ്ചയിച്ച തീയതികൾ മാറ്റേണ്ടി വന്നതാണെന്നും പ്രസിഡന്റ് അനിയൻ ജോർജ് അറിയിച്ചു.  

നിരവധി ചർച്ചകൾക്ക് ശേഷം കൊണ്ടു വന്ന ബൈ ലോ ജനറൽ ബോഡിയിൽ ചർച്ച ചെയ്യുവാൻ സാധിച്ചില്ലെങ്കിൽ ,വീണ്ടും ആദ്യം മുതൽ ചർച്ചകൾ നടത്തിയും മറ്റും വീണ്ടും സമയവും പണവും നഷ്ടമാകുമെന്ന് തിരിച്ചറിഞ്ഞാണ് അടിയന്തര പ്രാധാന്യത്തോടെ സൂമിലൂടെ സ്പെഷ്യൽ ജനറൽ ബോഡി നടത്തുന്നതെന്നും ഏവരും സഹകരിക്കണമെന്നും അദ്ദേഹം കൂട്ടിച്ചേർത്തു.

ഗ്ലോബൽ കൺവെൻഷന്റെ പ്രവർത്തനങ്ങൾ നല്ല രീതിയിൽ പുരോഗമിക്കുന്നു. ജൂലൈ പകുതിക്കും ഓഗസ്റ്റ് 2 നും ഇടയിലായി രജിസ്ട്രേഷൻ ക്ലോസ് ചെയ്യാനാണ് സാധ്യത. രജിസ്റ്റർ ചെയ്യാതെ കൺവൻഷനിൽ എത്തുന്നവർക്ക് പരിപാടികളിൽ പങ്കെടുക്കാൻ 500 ഡോളറിൽ കുറയാതെയുള്ള ചാർജ് ഉണ്ടായിരിക്കും. ഓഗസ്റ്റ് 3 നു മുൻപായി ഹോട്ടലിനു രജിസ്ട്രേഷൻ ലിസ്റ്റ് കൊടുക്കേണ്ടതുണ്ട്. പരിപാടികളുടെ ലിസ്റ്റ് തയാറായി വരുന്നു, ജൂലൈ  പകുതിയോടെ പരിപാടികളുടെ വ്യക്തമായ രൂപരേഖ തയ്യാറാകുമെന്ന് ജനറൽ സെക്രട്ടറി ടി ഉണ്ണികൃഷ്ണൻ അറിയിച്ചു.

സംഘടനയുടെ ചരിത്രത്തിൽ തന്നെ ആദ്യമായാണ് പരസ്യമായി ടീം പ്രഖ്യാപിച്ചുകൊണ്ടൊരു തിരഞ്ഞെടുപ്പ് മത്സരം. അതുകൊണ്ടുതന്നെ, ശക്തമായ പോരാട്ടമാണ് ഇത്തവണ പ്രതീക്ഷിക്കുന്നത്.

തിരുവനന്തപുരം:  സെപ്റ്റമ്പര്‍ 2 മുതല്‍ 5 വരെ മെക്‌സിക്കോയില്‍ നടക്കുന്ന ഫോമ കണ്‍വന്‍ഷനിലേക്ക് കേരള ഗവര്‍ണര്‍ ആരിഫ് മുഹമ്മദ് ഖാനെ ക്ഷണിച്ചു. 

ഫോമ പ്രസിഡന്റ് അനിയന്‍ ജോര്‍ജ്ജ് രാജ്ഭവനില്‍ നേരിട്ടെത്തിയാണ്  ക്ഷണിച്ചത്. ഫോമയുടെ പ്രവര്‍ത്തനങ്ങല്‍  ഗവര്‍ണര്‍ ചോദിച്ചറിഞ്ഞു.  

ഫോമയുടെ മുഖപത്രമായ അക്ഷരകേരളത്തിന്റെ പുതിയ പതിപ്പ് പ്രകാശനം ചെയ്ത ഗവര്‍ണറെ അനിയന്‍ ജോര്‍ജ്ജ് പൊന്നായ അണിയിച്ച് ആദരിച്ചു. ലാലു ജോസഫും സന്നിഹിതനായിരുന്നു 

വ്യത്യസ്തമായ പരിപാടികൾ കൊണ്ട് മാത്രമല്ല, യാത്രാദിനങ്ങൾ തെരെഞ്ഞെടുക്കാൻ മൂന്ന് ഓപ്‌ഷൻ നൽകുന്നു എന്നതു കൊണ്ടും ഇത്തവണത്തെ ഫോമാ കൺ വൻഷൻ ശ്രദ്ധേയമായിരിക്കുമെന്ന്  ഫോമാ ഭാരവാഹികൾ അറിയിച്ചു . 

സെപ്റ്റംബർ 2  മുതൽ 5  വരെയാണ് മെക്സിക്കോയിലെ ലോക പ്രശസ്ത വിനോദ സഞ്ചാര കേന്ദ്രമായ കാങ്കുനിൽ ഫോമാ കൺവൻഷൻ അരങ്ങെറുന്നത്.   എങ്കിലും ആറു  ദിവസത്തേക്ക് റിസോർട്ട് ഫോമക്ക് ലഭ്യമാവും. സാധാരണ മൂന്ന് രാത്രി കഴിഞ്ഞാൽ സ്ഥലം വിടണം. ഇവിടെയാണ് വ്യതാസം.

പങ്കെടുക്കുന്നർക്ക് മൂന്ന് ഓപ്‌ഷനുകളിലൊന്ന് സ്വീകരിക്കാം. സെപ്റ്റംബർ 1 വ്യാഴം മുതൽ  ബാങ്ക്‌വറ്റ്   ദിനമായ ഞായർ വരെയുള്ളതാണ് ആദ്യ ഓപ്‌ഷൻ. രണ്ടാം  തീയതി മുതൽ അഞ്ചാം തീയതി വരെയുള്ളതാണ് രണ്ടാമത്തെ ഓപ്‌ഷൻ. മൂന്നാമത്തെ ഓപ്‌ഷൻ മൂന്നാം തീയതി മുതൽ ആറാം തീയതി വരെയാണ്.

ഇലെക്ഷൻ മൂന്നാം തീയതി ആണ് . ബാങ്ക്‌വറ്റ്  നാലാം തീയതിയും. അതിനാൽ ഏതു ഓപ്‌ഷൻ എടുത്താലും  പ്രധാന പരിപാടികൾക്കെല്ലാം പങ്കെടുക്കാം.

അഞ്ചാം തീയതി തിങ്കളാഴ്ചയും ആറാം തീയതി ചൊവ്വാഴ്ചയും മുഖ്യധാരയിൽ നിന്നുള്ള പരിപാടികൾ അവിടെ അരങ്ങേറുന്നുണ്ട്. ഹോട്ടലിൽ ബോറടിച്ചിരിക്കേണ്ടി വരില്ല എന്നര്ഥം. അല്ല്ങ്കിൽ തന്നെ ഇത്രയും വലിയ വിനോദ സഞ്ചാര കേന്ദ്രത്തിൽ ഉല്ലാസത്തിനുള്ള സാധ്യത പറയേണ്ടതില്ലല്ലോ 

ഈ ഓപ്‌ഷനുകൾ ഉള്ളതിനാൽ ആളുകൾക്ക് ടിക്കറ്റ് നിരക്ക് കുറഞ്ഞ ദിവസം  വരാം. നേരത്തെ തിരിച്ചെത്തേണ്ടവർക്ക് അതുമാവാം. 

കൺവൻഷൻ രജിസ്‌ട്രേഷൻ നല്ല രീതിയിൽ പുരോഗമിക്കുന്നതായി പ്രദീപ് നായർ പറഞ്ഞു. പ്രതീക്ഷയിൽ കൂടുതൽ പേര് പങ്കെടുക്കുമെന്നതാണ്  ഇപ്പോഴത്തെ സ്ഥിതി 

register here: FOMAA Global Convention